Heia kring Fiskebustøylen byr på flotte turområde med både svaberg og furuskog. Det er merkte turstiar ein kan fylgje til fjelltoppar i området, blant anna Åbogsfjell og Maurdalsrista. Det høgste fjellet er Kronfjell, som ligg på 925 moh. Valebjørgheia har eit rikt dyreliv, og der er store moglegheiter med kamera eller våpen i hand.
Om du vil utforske området til fots eller i båt/kano er du garantert ei oppleving der du vert eitt med naturen. Du kan leige båt/kano, garn og anna fiskereiskap ved Fiskebustøylen.
